logo-mini

нови успеси на меѓународно поле

Сподели

нови успеси на меѓународно поле

Фото клуб Куманово успешно ја заокружува третата година од своето формирање. Во овој периодот беа реализирани многу активности со цел промоција и анимирање на уметничката фотографија, проширување на контактите и соработката со останатите фотографски друштва во Македонија и низ Светот, како и изведување на бесплатни фото-курсеви, со можност, по успешно завршување на предавањата курсистите да станат нови членови на ФК Куманово.


Особена гордост за членовите на клубот е организацијата на фотографскиот фестивал насловен како „Малински Фото Фестивал“ кој што за прв пат беше организиран во ноември 2014 година. Оваа 2016-та година фестивалот траеше два дена и се одржа во два града, Куманово и Кратово. На настанот присуствуваа гости од Србија, Босна, Италија и Полска. Беа одржани повеќе настани од кои се истакнуваат меѓуклупската изложба на фотографии „Круг“, предавањето на фотографот Зоран Ѓорѓевиќ на тема документарна фотографија, фото сафарито во град Кратово и др.
За успесите на клубот говорат и големиот број награди освоени на реномирани меѓународни изложби. Така само во последниот период од 2 месеци со награди се закитија Владимир Јовановски, кој освои PSA сребрена медала и PSA диплома на фото фестивалот Смедерево 2016, PSA бронзена медала на изложбата Контраст во БиХ и GRADAC PGI бронзена медала на фестивалот МСМ Круг во Црна Гора, потоа Александар Драгишевски и Марина Крстиќ кои што добија по неколку дипломи на фото-фестивалот Лепосавиќ Салон кој што се одржа на Косово. Како потврда за досегашните достигнувања на клубот е и членството во FIAP, PSA и IAAP.
За во иднина плановите на Фото клубот Куманово се да работи на проширувањето на својата членската база како и да организра одржување на нови изложби со што ке биде збогатен културниот живот во нашиот град.