На 8 март 2025 година, во фоајето на НУЦК „Трајко Прокопиев“ – Куманово, свечено беше отворена 12-тата Национална изложба „Жените и фотографијата“, традиционален настан кој ја слави улогата на жените во уметничката фотографија. Изложбата, организирана од Фото клуб Куманово, претставува платформа за афирмација на женското фотографско творештво и ја нагласува важноста на уметничкиот израз преку фотографијата.
Овој традиционален настан, посветен на Светскиот ден на жената, ја слави улогата на жените во фотографијата и нивниот придонес кон уметничкиот израз преку објективот. Годинава беа изложени 60 внимателно селектирани фотографии од авторки од различни фото клубови низ земјата, кои со своите дела ја претставуваат моќта на фотографијата како медиум за инспирација, раскажување и емоционален израз.
Изложбата беше отворена со поздравен говор од Неда Арсениевска, која ја истакнаа важноста на женското фотографско творештво и улогата на оваа изложба во неговата промоција. Настанот беше збогатен со голема посетеност и одлична атмосфера, каде љубителите на фотографијата имаа можност да се запознаат со различни визуелни пристапи и инспиративни приказни.
